L-esperiment

2007-01-03T09:29:00.000+01:00

Kif jgħidu aħjar tard milli qatt! Dawn huma l-awgurji tiegħi għas-sena il-ġdia lil bloggejja kollha, jalla din is-sena il-ġdida tkun aqwa minn ta' qabilha għal kulħadd.

Pollution

2007-01-03T09:28:00.000+01:00

Pollution is mostly generated by industries, agriculture, vehicles and even our homes. Once it is generated it is here to stay, it is very difficult to eliminate pollution. However, there are several ways to reduce this problem. Unfortunately, thins that we consider necessary in our lives like cars, books and newspapers, air-conditioning, disposable items and many other items are producing more pollution. Therefore pollution is the consequence of producing, using and disposing of such goods. It can contaminate the air, sea water and ground water.

Air pollution is mainly caused by emissions from burning fuels and materials, by road transport, industry and also by people at home. It can also be caused by natural sources like wind-blown dust and construction material. This kind of pollution can damage people's health and the environment. There are several ways that we can help to reduce air pollution. Car sharing is one of them. If one person has to go to work, he or she can car share by taking as many people along as possible, who would have made their journey in a separate car. This can help to reduce the traffic jams as well, apart from reducing air pollution. Using the public transport is another alternative, because a bus can carry more people on the same trip. Another means of transport is a bike. This is the least polluting way to get around, because it is powered by human strength and not by any damaging fuel. However, the best and easiest way to reduce pollution is to walk. Factories and industries should do their part as well. An important issue is that of installing filters in chimneys.

Water is also affected by pollution. Again, polluted water can be damaging to people's health as well as plants, animals and creatures that live in the sea. Pollution of coastal and ground water comes from different sources. These sources are discharge from sewage works, pesticides and soil and fertilisers washed into the sea from farm and other cultivated land. It can also come from substances left by humans which can be washed by rainfall into sea water or water courses. Litter in the water also causes problems because it can release toxins that would also contaminate it. There are various ways to reduce such pollution. The government and companies should treat sewage before releasing it into the sea. Moreover, we should never throw litter or waste in the sea. Farmers should be careful what types of pesticides and fertilisers they use.

An effective way of reducing the problem of pollution is by recycling and re-using goods. Paper is one of the easiest material to recycle. Furthermore, paper recycling can help to reduce the chopping of more trees. Cans and glass can also be recycled. Everyone can do his/her part to reduce the problem of pollution. Bring-in sites should increase and the general public should be made aware of these sites. Moreover, car sharing and the use of public transport should be encouraged more by the Government and employers, so that everyone will be going his/her share to reduce this big problem of pollution.

Għadni ħajja!!!!

2006-11-07T08:58:00.000+01:00

Iva ehe għadni ħajja avvolja ilni ma nikteb ftit hawn hekk.

X'dwejjaq ta' pajjiż ngħixu fih xi kultant. Kienu ġejjin 'The Wailers' u ovvjament għax huwa kunċert ftit differenti u jolqot il-gosti tan-nies li jħobbu dik it-tip ta mużika, jiġifieri Reggae, kellu jiġi mħassar jew postpost. Ngħid dwejjaq għax hawn Malta mhux daqshekk faċli biex ikollna kunċerti.

Ħalli ndawwar ftit id-diskors Jay membru fil-Malta Forums għadu/ha kif ura sit li għandu dizzjunarju mill-malti għal Ingliż onlajn (online), jien naħseb li wasal iż-żmien li jkollna xi ħaġa hekk. Ngħid prosit lil min ikkrejah. Hawn hu l-indirizz: http://malta.atspace.com/

Il-paqqa!

2006-10-09T11:51:00.000+02:00

Kemm hawn min hu mġewwaħ jew m'għandux x'jagħmel jew sempliċiment vili. Il-bieraħ għar-raba' jew ħames darba (għax anke l-ammont insejt) reġgħu pruvaw jiftħuli l-karozza. Kull darba agħar minn oħra l-ewwel darba pruvaw in-naħa tiegħi, tax-xufier, kelli il-bieba ftit mgħawġa, it-tieni darba reġgħu pruvaw l-istess bieba u apparti li għawġuha ħallewli forma ta irkoppa u kwazi qaċtu l-bieba. It-tielet darba pruvaw jifthu in-naħa tal-passiġġier u fottewli l-'lock', reġgħu pruvaw darb' oħra minn naħa tiegħi u issa il-bieraħ insib il-bokkin tan-naħa tal-passiġġier maqluħ apparti li girfuli l-karozza. Dawn kollha ġraw fi ftit snin!

Xi kultant ngħid aħjar irnexxielhom jiftħuha u jidħlu fiha u jisirquha kollha kemm hi milli jagħmluli hekk. U biex taxxaq jien ma nħalli xejn fil-karozza. Voldieri min irid jisraqha sinjal li għandu motiv ieħor! Ma niflaħx iktar b'affarijiet hekk, xi kultant naħseb li l-karozza misħuta u ngħid inbiddilha. Imma jekk dan mhux minnhu u jkolli karozza ġdida u jagħmluli l-istess?!

U bilħaqq, jekk qed tistaqsi għandix alarm...IVA għandi wieħed sempliċi, imma naħseb wasal iż-żmien li nupgrejdjah! L-aħjar nitfa' xi kukkudrill fil-karozza u mill-ewwel naqbad min kien il-ħalliel! Jew inkella inwaħħal CCTV kamera!!!!

Baġġis (Badges) tal-burdata!

2006-09-26T09:11:00.000+02:00

Għadni kif irċevejt dawn b'imejl u ma flaħtx ma nitfaħhomx hawn!

2006-09-20T09:46:00.000+02:00

Milli jidher il-marda tat-TB-Tuberculosis reġgħet qed tkun 'popolari' fil-gżejjer Maltin. Coemgen fil-blog tiegħu qed jispjega li din il-marda hija endemika. F'Malta kien irnexxielna neħilsu minn din il-marda, li kien għad fadal huma ftit każijiet, li ma kienux ta' tehdida.

Il-mistoqsija tiegħi hija din minn fejn ġejja? Heqq jien l-ewwel ħsieb tiegħi mar li iva jista jkunu l-imigranti illegali! Heqq jien naħseb li dawn jista' jkun qed iġorru tip ta' mard li qatt ma rajnieh hawn Malta, u li t-tobba Maltin m'humiex 'kapaċi' jinnutawh. Dan għaliex li t-tobba studjaw ċertu tip ta' mard li hu kommuni fil-gżejjer tagħna.

Forsi se ngħid kazzata issa, imma għala meta aħna nkunu se nsiefru f'pajjiżi bħall-Afrika u l-Asja jkollna nieħdu l-prekawzzjonijiet kollha u nittaqbu kontra tipi ta mard. Dawn in-nies ma jistgħux meta jaslu Malta jsirilhom xi tip ta' test mediku biex jaraw ibgħatux minn xi mard li mhux komuni hawn Malta? U wara tkun tista' tingħatalhom il-kura meħtieġa u nevitaw li dan il-mard jilħaq jixxerred.

Insomma f'Malta biss jiġru dawn l-affarijiet li l-ewwel irridu jmutu in-nies biex FORSI nieħdu azzjoni!

Il-Beta!

2006-09-18T09:22:00.000+02:00

Nies hawn xi ħadd li qaleb għal verżjoni tal-Blogger beta? Qiegħdin issibu problemi?

Milli jidher ma nistgħux inħallu kummenti fuq bloggijiet li ma qalbux! Nistgħu biss inħallu kummenti anonimi! U qed niprova infittex xi ftit tagħrif fuq dan il-qaħbeċ ta' beta, qed nara nistgħax naqleb lura għal Blogger, imma ma nistax insib din l-informazzjoni!

Settembru

2006-09-15T08:53:00.000+02:00

Iva dan xahar huwa wieħed mill-agħar xhur għalija ħafna memorji koroh tal-passat. Il-bieraħ kienet is-17-il sena li ilni ma nara lil missieri! Xi kultant noqgħod naħseb u ngħid:-

Minjaf x'kien jgħid għad-deċizzjonijiet li ħadt f'ħajti?
Minjaf ħajti kinitx tkun differenti?
Minjaf kif jidher kieku kelli nerġa' narah?
Tgħid narfu?
U xi jgħidli?
Tgħid jerga' jgħidli li jien il-pupa tiegħu?
Jew li jien sabiħa?
U ħafna mistoqsijiet oħra li għalissa m'għandix tweġibha għalihom.

Kien għadni zgħira u lil missieri ma tantx nafu, niftakar il-ħin li kien iqatta' magħna jilgħab, joħroġna, jgħallimna u ħafna affarijiet oħra. Li naf fuqu għax jew tgħidli ommi jew għax niltaqa' ma nies li kienu jafuh. Ħafna nies imma joqgħodu lura u ma jgħidulix fuqu ħlief li nara demgħa f'għajnejhom!

Din il-kanzunetta ta' Eric Clapton tiddeskrivi eżatt dak li għandi ġewwa fija.

Tears in heaven

Would you know my name if I saw you in heaven?
Would it be the same if I saw you in heaven?
I must be strong and carry on
'Cause I know I don't belong here in heaven

Would you hold my hand if I saw you in heaven?
Would you help me stand if I saw you in heaven?
I'll find my way through night and day
'Cause I know I just can't stay here in heaven

Time can bring you down; time can bend your knees
Time can break your heart, have you begging please, begging please

Beyond the door there's peace I'm sure
And I know there'll be no more tears in heaven

Tears in heaven

In-nifs!

2006-08-30T10:50:00.000+02:00

Qed inħoss snieni se jaqgħawli, qed niddarras. Hawn wieħed qed jixkatla l-bibien ta' l-uffiċji kollha.

Imma kif ma jiġux jaħdmu wara l-ħin tax-xogħol, jew inkella jagħlqu biċċa u naħdmu f'biċċa oħra? Xbajt nibla' trabijiet f'imnifsejja. Ftit ġimgħat ilu kien hawn tnejn qed ibajdu. U illum żdiedu għal tlieta u qed jixkatlaw u jiżbghu f'daqqa. Ma nafx jien kif tista' tati żewġ passati żebgħa wara xulxin mingħajr ma tħalli ta' qabilha tinxef! Veru li ma nifhimx fiż-żebgħa imma l-loġika hekk tgħidli. Din neħodha mill-eżempju taż-żebgħa tad-dwiefer (nail polish) qabel tati t-tieni passata trid tħalli l-ewwel waħda tinxef!!!

Imbagħad jgħidulek ieqaf pejjep għax ħazin għas-saħħa, aħseb u ara din ir-riħa ta' tinner!

Bohemian Rhapsody - Queen

2006-08-15T11:43:00.000+02:00

Waħda mill-aktar diski tal-ġenn li qatt inkitbu fl-opinjoni tiegħi.

Bohemian Rhapsody

Is this the real life, is this just fantasy
Caught in a landslide, no escape from reality
Open your eyes , look up to the skies and see
I'm just a poor boy, I need no sympathy
Because I'm easy come, easy go, little high, little low
Anyway the wind blows, doesn't really matter to me
...to me

Mama, just killed a man, put a gun against his head
Pulled my trigger, now he's dead
Mama, life had just begun
But now I've gone and thrown it all away
Mama oooh... Didn't mean to make you cry
If I'm not back again this time tomorrow
Carry on, carry on, as if nothing really matters

Too late, my time has come, sends shivers down my spine
Body's aching all the time
Goodbye everybody, I've got to go
Gotta leave you all behind and face the truth
Mama oooh (any way the wind blows)
I don't want to die, I sometimes wish I'd never been born at all

I see a little silhouetto of a man
Scaramouche, scaramouche, will you do the Fandango
Thunderbolt and lightning, very very frightening me
Galileo (Galileo)
Galileo (Galileo)
Galileo figaro (Magnifico)
But I'm just a poor boy and nobody loves me
He's just a poor boy from a poor family
Spare him his life from this monstrosity
Easy come easy go, will you let me go
Bismillah! No, we will not let you go, let him go
Bismillah! We will not let you go, let him go
Bismillah! We will not let you go, let me go
Will not let you go, let me go
Will not let you go let me go
No, no, no, no, no, no, no
Mama mia, mama mia, mama mia let me go
Beelzebub has a devil put aside for me, for me, for me

So you think you can stone me and spit in my eye
So you think you can love me and leave me to die
Oh baby, can't do this to me baby
Just gotta get out, just gotta get right out of here

Nothing really matters, anyone can see
Nothing really matters, nothing really matters to me
Any way the wind blows....

Ritwal? Paganiżmu? Rispett?

2006-08-11T09:29:00.000+02:00

Ma jienx xi waħda li nħobb il-festi imma ngħid darba f'sena ninżel sal-pjazza tar-raħal biex biex nuri lin-nies li jien għadni ħajja u li għadni ngħix hemm. Ħalli għan-nies biex jgħidu fuqek u wħud tarahom jippuntaw lejk biex jagħmluha ovvja li veru fuqek qed jitkellmu. Minjaf kemm ikunu qed iħarfu dak il-ħin! U ovvjament ninżel biex nara l-atmosfera tal-pagani kif inhi. Għalxiex pagani?

Ħafna nies 'galantomi' jinżlu/jmorru l-pjazza għall-festa biex jintefgħu bil-qiegħda fuq xi mejda armata f'nofs ta' triq u jixorbu kemm jifilħu birra. Ħafna oħrajn waqt li jkunu qed jixorbu u jħallsu xorb bl-addoċċ ilsienhom ma jieqafx jgħid fuq dak u dik u dawk u kull min jgħaddi minn quddiemhom. Iva ehe mela dawn dilettanti tal-festa ta'. Tistaqsihom xi ħaġa dwar il-patrun/a jew il-knisja jekk issib 2 minn għaxra li jafu jirrisponduk!

Din isbaħ: li toqgħod tisfen u taqbeż mad-diski waqt li qed jaħarqu il-ġigġifogu (ground fireworks) ma tantx toġgħobni. Dan huwa ritwal pagan għalija. Veru li nibża' biża' kbir minnu imma jkolli nammetti nieħu gost narah forsi għax narah li huwa parti mill-kultura tal-festi tagħna?!

Il-kummerċ li jsir waqt il-festi huwa xi ħaġa straordinarja. Hot dogs, burgers, chips u kebabs hija l-għajta popolari. Imbaghad hemm dawk li jibigħu l-affarijiet tat-tfal, kuljum xi ħaġa ġdida biex żgur iġennu t-tfal u dawn jeqirdu lil ġenituri biex jixtrulhom xi ħaġa, jekk hu possibli xi oġġett kull darba li jkun għaddejjin minn quddiemu.

Il-piki ta bejn il-partitarji tal-każini tal-baned jew tan-nar jew taż-żewġ patruni tal-lokal. L-aqwa spjegazzjoni ta din jispjegawha l-iXtruppaw bil-Innu Marċ (Viva l-Kbir San Ċipress).

Illum il-ġurnata li kbirt u forsi mmaturajt iktar nidħak b'dawn l-affarijiet. Veru li aħna l-Maltin magħmulin hekk parti minna din l-affari. Nieħu gost nara l-għaqda bejn in-nies u li kulħadd qed jieħu gost flimkien, x'hemm isbaħ mill-għaqda u ferħ? Imma dan għandu jkun is-sena kollha u mhux fil-ġimgħa tal-festa.

Vjolenza Domestika

2006-08-09T19:10:00.000+02:00

There must be no impunity for gender-based violence. Let me be clear. What we are talking about is not a side issue. It is not a special interest group of concern to only a few. What we are talking about are not only women's rights but also the human rights of over one half of this globe's population. Violence against women concerns not only women, but above all the rest of us. (Sergio Vieira de Mello, April 2003) (UNIFEM, 2003)

M'hemmx għalfejn nikkummenta iktar jien għax ħafna mis-sens diġa qiegħed hawn. Ovvjament kull tip ta' vjolenza m'hix aċċettata, kemm fuq nies kbar u wisq aktar fuq tfal. Il-vjolenza domestika għandha tkun imwaqffa.

Dik Ġurnata

2006-08-01T10:06:00.000+02:00

Il-bieraħ kienet waħda minn dawk il-ġranet l-aktar memorabbli f'istorja ta' ħajti!

Fl-aħħar ħarġu r-riżultati u iva ehe GĦADDEJT

U biex veru niċċelebra dan l-avvenimnet qattajt nofs ta' nhar ħdejn il-baħar, ma' 4 t'iħbieb u inbid u xi ikel! Dak ma kienx biżżejjed għax fil-għaxija mort il-Beer Festival u kien hemm Tribali li bħas-soltu taw performace tal-ġenn.

Ovvjament wara li tixrob 'ftit!!!!' birra u tkun ilek ma torqod raqda sew...dalgħodu qomt b'hangover pappali! Ma nafx kif irnexxieli nasal ix-xogħol!

Tgħid indunaw?

2006-07-28T11:43:00.000+02:00

Dan ir-ritratt ġie ippubblikat f'The Times tal-lum.

Tgħid l-editur jew il-fotografu indunaw li hawn immigrant illegali qed ipixxi u qed bih barra?

Jien diġa tkellimt fuq dan ir-ritratt fuq il-Maltaforums imma ħassejt li għandi nitfgħu hawn ukoll għax veru qabadni id-daħk x'ħin rajtu.

Iva Ferħana

2006-07-22T11:43:00.000+02:00

Kemm ilni ma nqum b'burdata bomba bħal tal-llum ... mhux li ssoltu nqum burdata ħażina imma hekk illum qed inħossni differenti! U biex tkompli l-iskantament mhux li irqadt ħafna dal-lejl!

U biex tgħaxxaq m'għandi xejn pjanat illum, voldieri qisni bħal waħda belha qed nifraħ għax xejn. Ovvjament l-anzjeta' għadha fuqi imma qed niprova ninsa', għax mid-dehra fadal xi ġimgħa oħra nistennew wara li kellimt lis-segretarja tal-kors u qaltli "Ir-riżultati se jiġu diskussa* il-ġimgħa d-dieħla!" U hemm jien qtajt il-linja u qadt naħseb fil-ħażin (iva ninfaxxa rasi qabel naqsamha). Imma illum qisu dan ma eżistix, qisni m'għandix problemi. Tgħid għala dan il-ferħ? Tgħid huwa ferħ biex ingawdi ftit sew qabel nieħu l-aħbar il-ħażina??

Jista' jkun ukoll li l-film Pirates of the Caribbean: Dead's Man Chest affettwani għax dħakt tnejn waqt li kont qed narah. Il-mossi ta' Mr Johnny Depp huma tal-ġenn. Karattru brillanti. Nisperaw li fil-Pirates li jmiss jerġa' jirxoxta!

Insomma kollox ma kollox l-aqwa li jien ferħana u nispera ma jinqala xejn u jfottihieli!

* grazzi lil hsejjes li ġabritli ġieħ :D :D

L-anzjeta'

2006-07-17T19:17:00.000+02:00

Daqt ninqered nista' ir-riżultati ta' l-eżamijiet. Imma għalxiex iddumu daqshekk biex jikkoreġu erba' linji? Ifhem minn banda iktar kemm idumu ma joħorġu iktar aħjar forsi ngawdi ftit ieħor, ma mmurx nkun weħilt f'xi wieħed u jkolli nerġa' niprova nsib in-noti biex nistudja!!!

Idejja u id-dwiefer s'issa għadhom ma waslux f'dan l-istat: (din hija Anxious Prayer ta' Anthony Palumbo)

__________________

Insomma wara kollox daqt jasal avventiment li ħafna jkunu qed jistennew il-Farsons Great Beer Festival.

Personalment huwa event li m'għandux jintilef. U ovvjament mhux sejra ma jkollix il-mug ta' din is-sena nieqes mill-kollezzjoni, mhux hekk!

Niftakar is-sena l-oħra konna tlajna grupp ta ħbieb mill-MaltaForums.com jew kif ħafna jafuha OnlyinMalta.com u veru dħakna. Niftakar kien hemm familja quddiemna bilqeghda fuq is-siġġijiet, li ġabu huma magħhom mid-dar, s'hemmek kollox sew imma wara trid tarhom jagħmlu piknik u joħorġu l-ikel mill-basktijiet. Aħna iż-żgħażagħ m'għandniex tort hux li nidħku bihom, plus l-effett tal-birra... wara kollox skond l-iXtruppaw aħna Ġenerazzjoni Ta' Meqrudin!!!!!

Il-Malti Laqgħi

2006-07-11T08:19:00.000+02:00

Iva Ħsejjes, Ron, u ħafna nies oħra li tissimpatizzaw mat-tim Taljan. L-Italja REBĦU. Ifhem la kienu tajbin biex jaqilgħu lil Ġermaniżi kellhom jirbħu hux!!!!

Kont qed nara il-partita fuq ir-Rai Uno u wara li spiċċat kien qed iġib filmati mill-grawnd, Milan, Ruma u Napli. Kien qed juri il-ferħ tal-pajjiż Taljan. Iddispjaċini ħafna li ma ġabx filmat minn Malta lajv dak il-ħin! Ħsibtni għadni l-Italja. Koċċ nies jiċċelebraw, jiskru, jdoqqu l-ħornijiet, ikantaw, jifirħu, joffendu u ħafna affarijiet li jsiru waqt kull ċelebrażżjoni. Il-Maltin ħarġu jagħmlu 'karnival' għax pajjiż li qed jistmagħna ta' tapit u jagħmlilna xi erba' toroq biex aħna nagħmlulu iktar pjaċiri, rebħu it-Tazza tad-Dinja.

Personalment qatt mhu sejra ndoqq u nifraħ u nagħmel l-istorbju u fuq kollox naħli l-petrol għax it-tim li nżomm miegħu jirbaħ it-Tazza tad-Dinja jew l-'Euro Cup'. Ara imbagħad jekk flok dak it-tim barrani tkun Malta iva mmur għax Malta pajjiżi.

P.S. Dan id-diskors kont ngħidu ukoll kieku l-partitarji Ingliżi għamlu l-istess.

Erġajt ġejt lura...

2006-07-03T19:03:00.000+02:00

...mill-pajjiż tal-fortunati.

Inżertajt kont f'pajjiżhom,
Nara il-ferħ li kellhom,
Narahom jibdew jinkazzaw,
Narahom joffendu lit-T.V.,
Narahom jirrextaw,
Nara il-fortuna ddur magħhom,
Narahom jirnexxu fl-aħħar 4 sekondi.
U hemmhekk inbiddlet il-folja bdew jifirħu
U kulħadd jghajjat kemm aħna fortunati,
U mbaghad ħarġu il-ħornijiet,
U ħafna affarijiet oħra.
Viva il-pajjiż tal-mirakli!

Nisperaw li
għada l-Ġermanja
ma tiddisappuntanix!

Yipppiieeee

2006-06-20T09:04:00.000+02:00

Fl-aħħar erġajt għandi lura l-ħin liberu kollu....qisni twellidt mill-ġdid. Iva, spiċċajt mill-eżamijiet (ifhem nispera li ma niblax xi re-sit). U daqt nerġa' nidħol fir-rutina ta', dar-xogħol-baħar-ħruġ-dar-xogħol-baħar-ħruġ- dar u insomma nkompli sejra hekk. Għalija hija l-isbaħ ħaġa dik, rilassament totali :) :D Imma qabel nidħol fir-rutina irrid niprepara ruħi u x'hemm isbaħ minn safra ;) :D

Insomma is-Sajf it-Tajjeb lil kulħadd u oqgħodu attenti mix-xemx għax veru qerridija.

__________________

Ħeqq u ovvjament ma nistax ninsa' it-Tazza Tad-dinja, speċjalment issa li l-Ġermaniżi għaddew għat-tieni round hux! U it-Taljani x'jażqu din id-darba, mela filli jgħidu li r-'referees' kontrihom u issa għax ir-'referees' mhux kontrihom qed jitfixlu LOL. L-Ingliżi mhux li għandhom għalfejn jidħku ħafna ta', imma narhom ftit aħjar. Impressjonajt ruħi bil-logħob ta' l-Awstralja u l-Ghana. Insomma jien ngħid li ħa naraw xi sorpriża!

It-Tazza tad-Dinja

2006-06-06T10:11:00.000+02:00

Minn nhar il-Ġimgħa se nerġgħu nibdew naraw l-'patrijotti' Malti jdoqqu l-ħornijiet u jifirqu għax it-Taljani jew l-Ingliżi jew il-Brażil jew il-Ġermaniżi jew xi pajjiż ieħor rebħu jew tilfu!

U is-sabiħa hi meta tismgħhom jitkellmu jgħidulek: "Eh 'AĦNA' konna aħjar minnhom!" Kemm ma niflaħix dik il-ħaġa, qisu it-team tagħhom... imbagħad tismagħhom jitkellmu fuq min messu lgħab u kif il-kowċ għamel dik l-istrateġija u ħafna affarijiet hekk. Jaqbadni id-daħk nisma' nies jitkellmu hekk. U xi ngħidu fuq in-nies li jdendlu l-bnadar mal-faċċata jew gallarija?!

Imma nsomma fuq it-team Malti ma tantx nistgħu nitkellmu. Biss pero jidher li qed jagħmlu progress kbir. Speċalment wara il-logħba kontra l-Ġappun. Jien inkompi ngħid FORZA MALTA. U nispera li xi darba naslu biex narawkom tilgħabu fit-tazza tad-dinja!

Tribali

2006-05-29T15:13:00.000+02:00

Min il-bieraħ kien Ħagar Qim, jaf li kienet xow tal-ġenn u bomba.

Jien ħlief kliem ta' tifħir m'għandix għal dawn il-mużiċisti li komplew juru li f'Malta hawn talent kbir. Iddispjaċini li ma kontx qtajt biljetti qabel, u ħsibt li kienet se tkun faċli biex nidħol imma fil-fatt ma tantx kienet. Imma minn hawn jew minn hemm irnexxieli nidħol.

Is-CD diġa ħraqtu....veru kien f'mument ġust li ġie 'launched' dan l-album, għax bħalissa veru għandi bżonn ta' din it-tip ta mużika.

Jien nissuġerrixxi li min ma kienx hemm il-bieraħ jew irid aktar dettalji jew biex jordna is-cd tidħlu fis-sit tagħhom hawn hekk > www.tribalimusic.com

Viva is-Sajf

2006-05-25T15:02:00.000+02:00

Fl-aħħar wasal is-sajf. Wasal iż-żmien li ngawdi iktar. Iġri nibda mmur il-baħar inqatta' siegħa irrilassata hemm. Dawn l-istampi jitkellmu għalija:

Imma nispera li dawn iċ-ċwieċ ma jfottux sajf ta' gost:

Dak gost...

2006-05-20T14:16:00.000+02:00

U żgur l-ugigħ li għandi nieħu gost li qed jispuntaw id-dras ta' l-għaqad jew aħjar kif inhuma magħrufa ta' l-għaqal.

U zgur li għaqad għax ħalqi ingħaqad u ma jridx jinfetaħ bl-ugigħ. U dak kuraġġ li sibt mid-dentist u l-ispiżżjara. Id-dentist qalli il-'mamma mia' hawn x'għandek u wara li kitibli l-mediċina qalli ejja l-ġimgħa d-dieħla ħa naqlaħħhomlok (skużawni imma farrakta din il-kelma, naħseb) u dan eżatt wara li jitilgħu. Imbagħad biex tkompli taxxaq mort għand l-ispiżżjara qaltli jaħasra naħseb għandek ugigħ int. Ovvjament b'sinjal b'rasi urejtha li iva għax nitkellem ma tantx nista'. Kompliet tgħid qaltli dik sa ma toħroġlok ta'! Jien għidtilha ifhem kieku waħda ma jimpurtax imma għandi tnejn f'daqqa. U tista' timmaġina x'wiċċ għamlet u qaltli OK mela int muġgħuha ĦAFNA.

Jien dak il-ħin splodejt u għidtilha m'intx tinduna li qas nista' nitkellem. U nsomma issa jkolli nqatta' ġimgħa oħra bl-uġigħ. Dan l-aħħar qabad miegħi. Ftit ilu kelli infezzjoni f'għajnejja u issa snieni, x'jmiss warajhom?

L-Eżamijiet

2006-05-16T10:13:00.000+02:00

Naqra fejn naqra u mmur fejn immur nisma' fuq l-eżamijiet. Il-bloggosfera ukoll ġiet maħkuma minn dan il-'fenomenu'. Qatt ma ħassejtni nerd daqs dan ix-xahar. Imma mhux inħalli kollox jitla' għal rasi. Qed niprova nħalli ħin biex niddeverti ftit. Għax jien nemmen li jrid ikun hemm bilanċ f'kollox.

Qed inqatta' ħafna ħin nikteb u naqra u nisma' u ovvjament nuża kliem pur Malti jew aħjar kif inhu magħruf - dagħa. Kien ilni ħafna żmien ma nħoss dan it-tip ta' stress. Iġri jgħaddi kollox ħalli jkolli ħin immur ngħum (l-iktar ħaġa li nħobb). Ħin norqod iżjed. U ovvjament ħin biex nagħmel dak kollu li jiġi f'rasi.

Ċensurata

2006-05-16T10:10:00.000+02:00

Iva iddeċidejt li niċċensura il-bloggata ta' qabel din. Niskuża ruħi.

Tmiem il-Ġimgħa

2006-05-12T09:20:00.000+02:00

Wasal wikend (weekend) ieħor. Dan l-aħħar sirt nieħu qata meta jasal il-Ġimgħa. Għax naf li flok niddeverti qed inqatta ħafna ħin magħluqa ġewwa. Jew inkun qed niċċassa quddiem il-kompjuter (suppost inkun qed naħdem) jew inkella nara programmi li qatt ma nteressawni u issa bla ma naf kif spiċċajt narhom. Imma dan naħseb li kollu effett tal-brejkdawn (breakdown) u stress li għaddejja minnu. Iġri jgħaddu dawn l-aħħar ftit ġimgħat ħalli forsi ma tafx kif naqbad dak l-għasfur taċ-ċomb u mmur nesplora post ġdid. Insomma biex ngħid il-verita kollha qed nipprova nħalli ftit ħin biex immur nieħu dak il-grokk jew flixkun inbid.

U l-irqad xi ngħid fuqu... Dan hu l-aktar ħaġa 'sagro santa' għalija. Għandi nuqqas ta' rqad kbir. Nixtieq norqod raqda ta' 'l fuq minn 20 siegħa forsi ma nafx kif niġi iktar f'tiegħi. Ir-regola li norqod 8 siegħat kuljum ksirta. Għandi xorti qed norqod 5 jew 6 siegħat. U is-sabiħa hi li fejn qabel wara ġurnata xogħol kont nieħu minn siegħat sa sagħtejn 'siesta' issa dik insejt x'inhi. Oh żmien ħelu erġa lura!

Xi Stress Dan

2006-05-08T19:28:00.000+02:00

L-1 ta' Mejju - Jum il-Mistrieħ mix-Xogħol

2006-05-01T14:35:00.000+02:00

Oh xi tmiem il-ġimgħa twil (long weekend) dan. Illum it-Tnejn u flok qomt għal ġurnata xogħol, bqajt rieqda sa x'ħin derhli. Mank il-ħajja dejjem hekk.

Koss imma kif kulħadd dejjem jeqred, jien inkluża ukoll. Min m'għandux xogħol igerger li dejjaq id-dar. U min għandu jgerger u jgħid aħjar għadu id-dar flok jaħdem! Imma ngħid jien jekk ma naħdimx ma jkollix flus, u jekk ma jkollix flus ma tantx nista' nagħmel affarijiet.

U illum għala mhux naħdmu meta qed niċċelebraw jum il-ħaddiem? Jum il-ħaddiem għalija għandha tkun kuljum! Illum messha tissemma' Jum il-Mistrieħ mix-Xogħol. U jekk flok tkun dejjem fl-1 ta' Mejju tkun fl-ewwel TNEJN ta' Mejju napprezzha iktar. U garanzija li jien l-ewwel waħda nieħu gost iktar b'din id-deċiżżjoni.

Insomma lil ħaddiema kollha nawguralhom ġurnata tajba, ta' tgawdija u mistrieħ.

Iż-żwieġ - Bla Kummenti

2006-04-27T15:03:00.000+02:00

Aħjar ma nikkummentax dwar l-aħħar risposta tar-raġel... Inħalli f'idejkom!

X'suġġett hu?

2006-04-26T20:56:00.000+02:00

Ah il-frawli kemm inħobbhom. Ikollu ngħix bihom biss ngħix.

Mela ftit ilu waqt waħda mill-lectures l-għalliema qaltilna tafu kemm għandhom tikek il-frawli? Min qal 50 u min qal 100. Jien infqajt nidħak għax għidt din x'għandha x'taqsam mal-ġens (gender) u eżatt jien kelli raġun għax il-lecturer indunat li marret barra mis-suġġett. Imma biex ma jkunx hemm min jibqa' bil-kurżita' ir-risposta kella tkun medja ta' 200 tikka.

U hekk jien wara qadt naħseb imma x'gost ħa jew ħadu dawk li qagħdu jgħoddu kemm għandha tikek. Xi skop kien hemm? Mhux aħjar qabdu u kielu l-frawli li huma tant bnini milli jaħlu l-ħin hekk!

Wara kollox dan kien eżempju ta' kif l-lectures ta' l-universita faċli joħorġu barra mis-suġġett. U dan ġara ħafna drabi waqt il-kors tagħna. Issa li wasalna fl-aħħar kulħaqq qed jaqbdu paniku ta' kif se jistudja. Kif se jiddubbaw in-noti neqsin. U ħafna affarijiet minn dawn. Jien għalissa mhux nipanikkja għax għadni mhux qed nirrealizza li qorbu l-eżamijiet ta' l-aħħar. Wisq probabli ftit ġranet oħra nkun qed mitlufa qalb il-kotba, niekol kull kelma tqila u importanti li nsib. Nkun mimlija 'stress' u tenzjoni. U f'dak iż-żmien mur kellimni... viva n-nervi u viva l-ħelu li nkun qed niekol bla ma ninduna!

Tad-daħk din bdejt b'togħma tajba tal-frawli u spiċċajt fuq togħma morra ta' l-eżamijiet...nispera li ma tantx tkun morra u jirnexxili nibda' nagħmel moħħi hemm issa li fadal ftit ġimgħat biss.

Segwi l-ħolm tiegħek!

2006-04-23T11:32:00.000+02:00

Hemm iktar minn persuna waħda li qaluli imma int kif ma tibkix meta tara nies isibu lil ġenituri tagħhom jew uliedhom wara ħafna żmien? Għala għandi nibki għal ħaddiehor? X'rabta hemm bejni u bejn din il-persuna?

Dan kollu hu business fl-opinjoni tiegħi. Xi darba irrid niskopri kemm il-lira qed jaqilgħu ta' TTI ta kull demgħa li tinżel fuq ħaddejn in-nies. Waqt li ħaddieħor jkun qed jibki huma jkunu qed jorku jdejhom li deħlin aktar 'sponsors' u flus minn nies anonimi. U propju hawn, hawn daħka oħra. Kif xi ħadd kien qed jgħati lil kulmin ikun fuq is-'sufan' ta' Rachel kien qed jgħatihom Bibja u jibqa' anonimu/a. Mela kien/et qed jistħi jgħid lil kulħadd li hu Nisrani? Din il-ħaġa ma nistax nifhimha. Dawn huma affarijiet tajbin, għal min jemmen f'Alla ovvjament. U nies li jgħatu xi flus u jibqgħu anonimi? Jien veru bniedma li affarijiet hekk ma tantx jinżluli. Ma narax għalfejn tkun qed tagħmel il-ġid u minflok tinħeba! Insomma hemm min jagħmel hekk għax jkun jiddejjaq juri li hu jiflaħ jgħati xi ħaġa tal-flus żejda.

Dan il-kxief is-sorm ta' ħafna nies li jmorru fuq il-programm ma jdoqqli xejn. Min imur għax irrid jerġgħa jirranġa mar-raġel, min għax telqgħu l-għarus jew l-għarusa u affarijiet hekk. Fl-opinjoni tiegħi dawn m'humiex ta' nteress għalija li nkun naf li hawn ġuvni li telqitu it-tfajla u mar jibki u jokkrob li St. Rachel biex tergġħa taqqadhom. Dawn affarijiet li jagħmlu xow bihom u ovvjament jdaħħlu aktar flus. Nemmen li bis-saħħa tal-programm iktar nies ġew konxji li hawn iktar faqar milli konna naħsbu.

U imbagħad xi ngħid meta kien hemm uħud min dawk in-nominati, li kawżi Malta kollha taf li bil-flus li għandhom jaffordjaw dak kollu li għamlulhom? Jien nixtieq insegwi l-ħolma tiegħi ukoll. Tgħid immur nistaqsi lil xi ħadd biex jikteb nomina għalija u mmur nikxef sormi jien ukol?!

ex·per·i·ment

2006-04-20T20:53:00.000+02:00

Koss illum qadt naħseb xi tfisser eżatt il-kelma esperiment jew aħjar experiment u sibt dan li ġej:-

A test under controlled conditions that is made to demonstrate a known truth, to examine the validity of a hypothesis, or to determine the efficacy of something previously untried.
The process of conducting such a test; experimentation.
An innovative act or procedure.
The result of experimentation.

U dan kollu jagħmel sens għalija, għax dan il-blog huwa test taħt kundizzjonijiet ikkontrollati. Imma stenna ftit, min qed jikkontrollhom? Moħħi liż-żmagat li għandi? Jew is-swaba jien u nikteb?

Imma nsomma ha naqbeż din il-biċċa u nkompli nara iktar xi tfisser... esperimentazzjoni. Fil-fatt hekk hu. Dan kollu hu esperimentazzjoni. U xi ħaġa innovattiva għalija, imma zgur li ma hix għal ħafna mill-bloggisti li ilhom jesperimentaw għal snin jew xhur qabli. Dawn issa jissejħu esperti!

Ir-riżultat ta' l-esperimentazzjoni - inkun naf x'inhu meta jkolli biżżejjed rispons/informazzjoni (feedback) mill-qarrejja.

San Girgor

2006-04-19T17:07:00.000+02:00

Aħna l-Maltin kulma nagħmlu u mmorru fejn immorru l-aqwa li nieklu. Illum jum San Girgor u ovvjament hi ġurnata li jekk ma toħroġx u tiekol xeba' ħobż biż-żejt mħawwar sew (apparti l-bigilla, fażżola, żebbuġ mimmli u ma jonqsux l-figolli) ma tkunx gawdejt il-ġurnata sew.

Imma x'inhi din l-ossessjoni li għandna li jekk se noħorgu immorru nieklu? Jekk tistieden in-nies id-dar kulħadd jagħmel nofs ta' nhar jiprepara ikla papali. Jekk se tmur mixja qis li jkollok xi ħaġa ta' l-ikel miegħek. Jekk sejjer tixrob qis li qabel tkun kilt sew. L-ikel hu dejjem skuża tajba. Għandek in-nervi kul, għandek id-dwejjaq kul, ferħan erġa' kul xi ħaġa. U nsomma dejjem nieklu.

Mhux ta' b'xejn li aħna wieħed mill-pajjiżi li l-aktar għandna tfal u nies ħoxnin! Imma għidli int jekk l-ikel jkun tajjeb kif tista' tirrifjutah? Bħalma tistax tirrifjuta grokk meta joffrulek wieħed.

Televiżżjoni vs Televixin

2006-04-18T20:50:00.000+02:00

X'suppost tgħid televiżżjoni jew televixin, ngħid ghalija nipreferi televiżżjoni milli kelma ingliża addatata għall-Malti - televixin.

Insomma ħafna mill-istazzjonijiet tat-televiżżjoni hawn Malta huma tal-qamel. Ma tantx jafu jkunu oriġinali u jikkuppjaw programmi barranin. Kont qed inqalleb (nizzappja) it-TV u niltaqa ma riklam għal-restaurant ta' ikel Taljan. Naċċetta li l-mużika f'isfond tkun Taljana imma li titkellem bit-Taljan ma naċċettaħiex.

Jew inkella programm ieħor hu l-Ispjun, pruvaw jimitaw programm barrani ieħor. Ma jafux li Malta zgħira. Xbajt niltaqa' ma parteċipanti meta nkun f'xi post ta divertiment jew inkun qed nixtri minn x'imkien. Ma ndunawx li issa kważi nofs Malta ndunat li dan il-programm ilu żmien irrekordjat u li meta kienet kesħa sew dawn baqghu bil-ħwejjeg tas-sajf? U anke kienu jinżlu fejn il-pool? Malta qieghdin, ħafna mit-temp jolqot kullimkien l-istess, ma aħniex xi pajjiż kbir li fit-tramuntana jkun xita u fin-nofsinhar tkun ix-xemx!

L-ewwel bloggata f'dan l-esperiment

2006-04-18T10:55:00.000+02:00

Esperiment....iva dan esperiment li jien nibda' nibbloggja (kelma tqila din).

Fil-ħajja għamilt ħafna esperimenti uħud kieku sbieħ u żżomm l-memorji tagħhom għal ħajtek, waqt li oħrajn tiprova tinsihom u ma tergax tirrepetihom. Nispera li dan ikun wieħed minn dawk is-sbieħ.

Tux